هەوڵی درێژکراو
ئه‌و برینانه‌ی‌ كه‌ به‌زۆری‌ له‌ناو ده‌مدا ده‌رده‌چن‌و شێوه‌ی‌ ئاوساوی‌ وه‌رده‌گرن، پێویسته‌ ئاگاداری‌ ببن، چونكه‌ پێده‌چێت هه‌واڵی‌ تووشبوونتان به‌نه‌خۆشی‌ پێ‌ ڕابگه‌یه‌نن. شاره‌زایانی‌ بواری‌ ته‌ندروستی‌ ڕایانگه‌یاندووه‌، كێشه‌ی‌ دروستبوونی‌ برین‌و هه‌ڵاوسان له‌ناو ده‌مدا، كه‌ هه‌ندێكجار بۆ چاكبوونه‌وه‌یان ماوه‌یه‌كی‌ زۆر ده‌خایه‌نێت، هۆكاره‌كان ده‌گه‌ڕێته‌وه‌ بۆ ئه‌وه‌ی‌، ئه‌و كه‌سانه‌ كێشه‌یه‌كی‌ ته‌ندروستی‌ له‌ (گه‌ده‌‌و ڕیخۆڵه‌كان)یاندا هه‌یه‌، یان كێشه‌ی‌ هه‌ستیاری‌، سترێس‌و تێكچوونی‌ ژه‌مه‌كانی‌ خواردنیان هه‌یه‌. شاره‌زایان ده‌ڵێن: له‌كاتی‌ ده‌ركه‌وتنی‌ ئه‌و برینانه‌دا، پێویسته‌ كه‌سه‌ تووشبووه‌كان ڕێگه‌چاره‌ی‌ پێویست بگرنه‌به‌ر، بۆ ئه‌وه‌ی‌ كێشه‌ی‌ گه‌وره‌تریان له‌ڕووی‌ ته‌ندروستییه‌وه‌ بۆ دروست نه‌بێت، به‌تایبه‌تی‌ ئه‌و برینانه‌ی‌ كه‌ زیاتر له‌دوو هه‌Ùته‌ له‌ناو ده‌مدا ده‌مێننه‌وه‌‌و به‌زۆری‌ هه‌ر له‌هه‌مان شوێن ئه‌و برینانه‌ ده‌رده‌چن.ئه‌و كه‌سانه‌ی‌ كه‌ ئه‌و Øاڵه‌ته‌ی‌ سه‌ره‌وه‌یان هه‌یه‌، مه‌ترسی‌ تووشبوونیان به‌شێرپه‌نجه‌ی‌ ناوده‌م لێده‌كرێت، بۆیه‌ پێویسته‌ ڕاسته‌وخۆ ڕێگه‌ی‌ به‌په‌له‌ بگرنه‌به‌ر، بۆ چاره‌سه‌ركردن‌و خۆپاراستن.
شاره‌زایان باسیان له‌وه‌شكردووه‌، هه‌ندێكجار هۆكاری‌ ئه‌و برینانه‌ دروستبوونی‌ كێشه‌ی‌ ته‌ندروستییه‌ له‌ددانه‌كاندا، بۆیه‌ له‌كاتی‌ ده‌رچوونی‌ ئه‌و برینانه‌، خۆ چاره‌سه‌ركردنی‌ به‌په‌له‌ له‌هه‌موو كارێكی‌ دیكه‌ باشتره‌، بۆ ئه‌وه‌ی‌ باری‌ ته‌ندروستی به‌باشی‌ بمێنێته‌وه‌.
