هەوڵی درێژکراو
له‌كاتی‌ تاقیكردنه‌وه‌یه‌كدا، لێكۆڵه‌ره‌وان به‌ڕێكه‌وت چاره‌سه‌ری‌ ڕووتاندنه‌وه‌ی‌ موویان دۆزییه‌وه‌. شاره‌زایانی‌ كالیÙۆرنیا به‌مه‌به‌ستی‌ ئاشكراكردنی‌ سترێسی‌ درێژخایه‌ن‌و كاریگه‌ری‌ له‌سه‌ر گه‌ده‌و ڕیخۆله‌كان، لێكۆڵینه‌وه‌یان له‌سه‌ر مشك ئه‌نجامداو بۆ ئه‌و مه‌به‌سته‌ ماده‌یه‌كیان به‌رهه‌مهێنا كه‌ ناوی (ئه‌سترێزین B)یان لێناو له‌سه‌ر چه‌ند مشكێك تاقیانكرده‌وه‌‌و بینیان سه‌ر پشتی‌ مشكه‌ به‌ته‌مه‌نه‌كان ڕووتاوه‌ته‌وه‌و مووی‌ پێوه‌ نه‌ماوه‌، دوای‌ سێ‌ مانگ شاره‌زایان به‌مه‌بستی‌ كۆنتڕۆڵ كردنی‌ كاریگه‌ری‌ ئه‌و ماده‌یه‌ له‌سه‌ر سترێس به‌سه‌ر گه‌ده‌و ڕیخۆله‌وه‌ سه‌یری‌ مشه‌كه‌كانیان كرد، به‌ڵام تووشی‌ سه‌رسوڕمان بوون، چونكه‌ بینیان مشكه‌ موو ڕووتاوه‌كان، موویه‌كی‌ زۆریان هاتووه‌ته‌وه‌و به‌ته‌واوی‌ مووه‌كانیان ده‌رچووه‌ته‌وه‌، ئه‌وه‌ش شاره‌زایانی‌ سه‌رسامكرد.شاره‌زایان بۆ گوڤاری‌ (پلۆس)ی‌ ئه‌مریكی‌ باسیان له‌وه‌كردووه‌، ئه‌وان به‌مه‌به‌ستی‌ ئاشكراكردنی‌ كاریگه‌ری‌ سترێسی‌ درێژخایه‌ن له‌سه‌ر گه‌ده‌و ڕیخۆله‌ ئه‌و تاقیكردنه‌وه‌یان ئه‌نجامداوه‌و ئه‌و ماده‌یان به‌رهه‌مهێناوه‌، به‌ڵام بینیان ئه‌و ماده‌ كاریگه‌ری‌ له‌سه‌ر موو هه‌یه‌و درێژی‌ ده‌كاته‌وه‌، بۆیه‌ ئه‌مه‌ ئومێدێكه‌ بۆ ئه‌و كه‌سانه‌ی‌ كه‌ قژیان رووتاوه‌ته‌وه‌و كه‌چه‌ڵ بوون، به‌تایبه‌تی‌ ئه‌و كه‌سانه‌ی‌ كه‌ ده‌چنه‌ ته‌مه‌نه‌وه‌ ڕووبه‌رووی‌ ئه‌و كێشه‌یه‌ زۆر ده‌بنه‌وه‌، بۆیه‌ له‌ئێستادا له‌هه‌وڵدان بۆ رێگریكردن‌و چاره‌سه‌ركردنی‌ ڕووتاندنه‌وه‌ی‌ موو له‌ڕێگه‌ی‌ ئه‌و ماده‌یه‌ی‌ كه‌ به‌رهه‌میانهێناوه‌.
