هەوڵی درێژکراو
بیبه‌رى تیژ كه‌ چه‌ندین ڕه‌نگى جوراوجورى هه‌یه‌ ، سوودێكى گرنگ به‌ ته‌ندروستى مرۆڤ ده‌به‌خشن ، له‌وانه‌ش بیبه‌رى ڕه‌نگ سوورو زه‌ردو سه‌وزو وه‌نه‌وشه‌ى . به‌پێى وته‌ى توێژه‌ران بیبه‌رى تیژ سوود به‌ گه‌ده‌و هه‌ناو ده‌گه‌ینێت و كارى گه‌ده‌ش به‌هێز ده‌كات و یارمه‌تى هه‌رسیش ده‌دات . هه‌روه‌ها ڕۆلێكى گرنگ ده‌بینێت له‌ پالنانى خۆراك له‌ ده‌مه‌وه‌ بۆ گه‌ده‌و هه‌ناو ، وه‌ پالنانى هۆرمۆنه‌كانى هه‌رس و چالاككردنى . هۆنان و سیچوان كه‌ دوو زاناى چینین له‌ بوارى بزیشكى خۆراكى ده‌لێن" بیبه‌رى تیژ مه‌ترسی تووشبوون به‌ هه‌وكردنى گه‌ده‌ له‌ نێوان دانیشتوانى ولاتدا كه‌م ده‌كاته‌وه‌و سوود به‌ گه‌ده‌ ده‌به‌خشێت ، وه‌ به‌رگرى له‌ خانه‌كانى گه‌ده‌ و هه‌ناو ده‌كات له‌ دژى هه‌ر مه‌ترسیه‌ك . بیبه‌رى تیژ له‌ هه‌موو سه‌وزه‌كان زیاتر، سوود به‌ بزاڤى خوێن ده‌گه‌ینێت و زیاتر پاڵ به‌ خوێنه‌وه‌ ده‌نێت و پاكى ده‌كاته‌وه‌ ، وه‌ وزه‌یه‌كى چالاك به‌ جه‌سته‌ ده‌به‌خشێت و ئازاره‌كانى نه‌خۆشیش كه‌م ده‌كاته‌وه‌ .هه‌روه‌ها سورى خوێن چالاك ده‌كات و زیاتر پالی پێوه‌ ده‌نێت بۆ دڵ و كاره‌كانى دڵیش به‌هێزتر ده‌كات ، وه‌ رۆلێكى كاریگه‌ر ده‌بینێت له‌ پاراستن و كه‌مكردنه‌وه‌ى ئاستى چه‌ورى له‌ناو خوێنداو كه‌مكردنه‌وه‌ى مه‌ترسی تووشبوون به‌ جه‌ڵته‌و نه‌خۆشی مۆلۆله‌كانى خوێن .
