هەوڵی درێژکراو
له‌ئێستادا له‌كۆریای‌ باشور ئامێرێك بۆ پاككردنه‌وه‌ی‌ په‌ڕتوك دروستكراوه‌، كه‌ به‌هیچ شێوه‌یه‌ك تۆزو خۆل‌و جێی‌ په‌نجه‌، به‌سه‌ر په‌ڕتوكه‌وه‌ ناهێڵێت. شاره‌زایان باسیان له‌وه‌كردووه‌، به‌ڕێژه‌یه‌كی‌ زۆر په‌ڕتوك له‌په‌ڕتووكخانه‌كاندا هه‌یه‌و ڕۆژانه‌ چه‌ندین كه‌س سه‌ردانی‌ ئه‌و په‌ڕتوكخانانه‌ ده‌كه‌ن‌و په‌ڕتوكه‌كان خوێنه‌رێكی‌ باشیان هه‌یه‌، هه‌روه‌ها هه‌ندێك جار په‌ڕتوك بۆ ماوه‌یه‌كی‌ زۆر له‌سه‌ر ڕه‌Ùه‌كان ده‌مێننه‌وه‌و تۆزو خۆڵ‌و ڤایرۆسێكی‌ زۆر له‌سه‌ریان كۆده‌بێته‌وه‌، كه‌ هۆكاری‌ دروست بوونی‌ چه‌ندین نه‌خۆشین، جا بۆ ئه‌وه‌ی‌ خوێنه‌ر له‌و كێشه‌و نه‌خۆشییانه‌ به‌دووربگرن‌و ڕووبه‌ڕووی‌ نه‌خۆشی‌ نه‌بنه‌وه‌، بیریان له‌دروستكردنی‌ ئامێرێك بۆ پاككردنه‌وه‌ی‌ په‌ڕتوكه‌كان كرده‌وه‌و له‌ئه‌نجامیشدا دروستكرا.ئه‌و ئامێره‌ به‌ئاو كارناكات‌و پاكردنه‌وه‌كه‌ی‌ به‌ (تیشكی سه‌روو وه‌نه‌وشه‌ی بۆ له‌ناوبردنی‌ میكرۆب) دروستكراوه‌، هه‌روه‌ها هیچ ماده‌یه‌كی‌ زیانبه‌خشی‌ وه‌كو (ئۆزۆن‌و كاربۆن) به‌رهه‌مناهێنێت‌و هه‌موو ڤایرۆس‌و تۆزێكی‌ سه‌ر په‌ڕتوكه‌كان له‌ناو ده‌بات‌و له‌ماوه‌ی‌ كه‌متر له‌خوله‌كێكدا په‌ڕتوك پاكده‌كاته‌وه‌و بۆنێكی‌ خۆشیش ده‌دات به‌په‌ڕتوكه‌كه‌.
له‌كاتی‌ كردنه‌وه‌ی‌ په‌ڕتوكه‌كه‌شدا، بۆنێكی‌ زۆر خۆش بڵاوده‌بێته‌وه‌، بۆیه‌ له‌ئێستادا گرنگییه‌كی‌ زۆر به‌و ئامێره‌ ده‌درێت‌و له‌سه‌رجه‌م وڵاتانی‌ دیكه‌وه‌ داخوازییه‌كی‌ زۆری‌ له‌سه‌ره‌.
