هەوڵی درێژکراو
هۆرمۆنی‌ (میلاتۆنین)، هۆرمۆنێكه‌ له‌نێوان كاتژمێره‌كانی‌ (1:00 بۆ 5:00)ی‌ شه‌و مێشك ده‌گرێته‌وه‌، ئه‌و هۆرمۆنه‌ له‌ئه‌نتی‌ ئۆكسیده‌كانی‌ دیكه‌وه‌ ده‌سه‌ڵات وه‌رده‌گرێت‌و خۆی‌ به‌هێزده‌كات، خانه‌كانی‌ له‌ش له‌شێرپه‌نجه‌ ده‌پارێزێت‌و ڕووبه‌ڕوویان ده‌بێته‌وه‌، ئه‌و هۆرمۆنه‌ له‌گه‌ڵ سیستمی‌ زاووزێدا په‌یوه‌ندی‌ دروست ده‌كات‌و ڕووبه‌ڕووی‌ كێشه‌كانی‌ ماندووبوون‌و بێتاقه‌تیش ده‌بێته‌وه‌. هۆرمۆنی‌ (میلاتۆنین) پیربوون دواده‌خات، هۆرمۆنه‌كه‌ له‌تاریكیدا كارده‌كات‌و هێزو تواناكه‌ی‌ ده‌خاته‌ كارو ڕووبه‌ڕووی‌ نه‌خۆشی‌ شێرپه‌نجه‌ ده‌بێته‌وه‌، به‌ڵام به‌رامبه‌ر به‌ڕووناكی‌‌و تیشكی‌ گڵۆپ هه‌ستیاره‌. له‌چاودێرییه‌كی‌ لێكۆڵه‌ره‌واندا ده‌ركه‌وتووه‌، هۆرمۆنه‌كه‌ له‌كاتی‌ تاریكیدا به‌شێوه‌یه‌كی‌ به‌هێز له‌جه‌سته‌دا بڵاوه‌ی‌ كردووه‌، به‌ڵام له‌كاتی‌ هه‌ڵكردنی‌ گلۆپێكدا هۆرمۆنه‌كه‌ كه‌مبووه‌ته‌وه‌. به‌هۆی‌ ئه‌وه‌ی‌ كه‌ نابینایان به‌به‌رده‌وامی‌ له‌تاریكیدا ده‌ژین‌و ڕووناكی‌ كاریگه‌ری‌ له‌سه‌ریان نییه‌، ئه‌و هۆرمۆنه‌ به‌شێوه‌یه‌كی‌ باشترو به‌هێزتر له‌جه‌سته‌یاندا بڵاوه‌ده‌كات‌و ئه‌ركه‌كانی‌ جێبه‌جێده‌كات، به‌وهۆیه‌وه‌ نابینایان ڕووبه‌ڕووی‌ نه‌خۆشی‌ شێرپه‌نجه‌ نابنه‌وه‌. لای‌ خۆیانه‌وه‌ شاره‌زایان ڕێنمایی‌ ئه‌وه‌ ده‌ده‌ن، كه‌ به‌هیچ شێوه‌یه‌ك شه‌وان له‌به‌ر ڕووناكیدا نه‌خه‌ون‌و گڵۆپه‌كان بكوژێننه‌وه‌و به‌تاریكی‌ بخه‌ون، به‌تایبه‌تی‌ دایك‌و باوكه‌كان پێویسته‌ منداڵه‌كانیان له‌تاریكیدا بخه‌وێنن، بۆ ئه‌وه‌ی‌ ئه‌و هۆرمۆنه‌ باشتر كاری‌ خۆی‌ بكات‌و دووربن له‌نه‌خۆشی‌.
