دروست ده‌كرێن، مه‌ترسییان بۆ سه‌ر ژیانی‌ ئه‌و كه‌سانه‌ هه‌یه‌، كه‌ به‌ڕێژه‌یه‌كی‌ زۆر ده‌یانخۆن. له‌لێكۆڵینه‌وه‌یه‌كی‌ نوێدا لێكۆڵه‌ره‌وان ئاشكرایانكردووه‌، ئه‌و نیشانه‌ی‌ كه‌ بۆ دروستكردنی‌ چه‌ندین خواردن‌و پسكیت‌و شتی‌ دیكه‌ به‌كاردێت، مه‌ترسی‌ بۆ سه‌ر ته‌ندروستی‌ مرۆڤه‌كان هه‌یه‌و ڕووبه‌ڕووی‌ نه‌خۆشی‌ شێرپه‌نجه‌یان ده‌كاته‌وه‌، چونكه‌ له‌ناویدا چه‌ند شه‌كرێكی‌
هەوڵی درێژکراو
لێكۆڵه‌ره‌وان ڕایانگه‌یاندووه‌، ئه‌و خواردن‌و پسكیت‌و نیشاسته شیكۆڵاتانه‌ی‌ كه‌ له‌نیشاسته‌ دروست ده‌كرێن، مه‌ترسییان بۆ سه‌ر ژیانی‌ ئه‌و كه‌سانه‌ هه‌یه‌، كه‌ به‌ڕێژه‌یه‌كی‌ زۆر ده‌یانخۆن. له‌لێكۆڵینه‌وه‌یه‌كی‌ نوێدا لێكۆڵه‌ره‌وان ئاشكرایانكردووه‌، ئه‌و نیشانه‌ی‌ كه‌ بۆ دروستكردنی‌ چه‌ندین خواردن‌و پسكیت‌و شتی‌ دیكه‌ به‌كاردێت، مه‌ترسی‌ بۆ سه‌ر ته‌ندروستی‌ مرۆڤه‌كان هه‌یه‌و ڕووبه‌ڕووی‌ نه‌خۆشی‌ شێرپه‌نجه‌یان ده‌كاته‌وه‌، چونكه‌ له‌ناویدا چه‌ند شه‌كرێكی‌ جیاواز هه‌یه‌. ئه‌و لێكۆڵه‌ره‌وانه‌ باسیان له‌وه‌كردووه‌، نیشاسته‌ زیانێكی‌ زۆر گه‌وره‌ به‌منداڵ ده‌گه‌یه‌نێت، چونكه‌ به‌زۆری‌ منداڵ گرنگی‌ به‌خواردنی‌ (مه‌ساسه‌، نوقڵ، شیكۆڵاته‌، پسكیت‌و شیرینییه‌كان)ی‌ دیكه‌ ده‌دات، ئه‌وانه‌ش سه‌رجه‌میان له‌نیشاسته‌ دروست ده‌كرێن، هه‌روه‌ها ئه‌و شه‌كره‌ی‌ كه‌ له‌گه‌نمه‌شامییه‌وه‌ ده‌ست ده‌كه‌وێت، له‌ناو (بیبسی‌، شه‌ربه‌ت، خواردنه‌وه‌ گازییه‌كان، شیكۆڵاته‌، قاوه‌، كێك، دۆندورمه‌‌و چه‌ندین شرینی‌ دیكه‌)دا به‌كارده‌هێندرێت، ئه‌وه‌ش مه‌ترسییه‌كی‌ گه‌وره‌ بۆ ئه‌و كه‌سانه‌ دروست ده‌كات كه‌ ده‌یانخۆن، به‌تایبه‌تی‌ منداڵان.
له‌ئێستادا له‌ئه‌مریكاو ئینگلته‌را‌و چه‌ندین وڵاتی‌ دیكه‌، به‌رهه‌مهێنراوی‌ (سیكلامات) كه‌ بۆ خۆشكردن‌و به‌تامكردنی‌ شیرینییه‌كان به‌كارده‌هێندرێت قه‌ده‌غه‌كراوه‌، چونكه‌ زیانبه‌خشه‌‌و مرۆڤ ڕووبه‌ڕووی‌ نه‌خۆشی‌ شێرپه‌نجه‌ ده‌كاته‌وه‌.
