هەوڵی درێژکراو
زۆر له‌زووه‌وه‌ شویت بۆ به‌تامكردن‌و خوشكردنی‌ خواردنه‌كان به‌كارهێنراوه‌و گرنگییه‌كی‌ زۆری‌ پێدراوه‌، هه‌روه‌ها كاریگه‌ری‌ له‌سه‌ر تێكنه‌چوونی‌ ترشیات هه‌یه‌و ناهێڵێت خراپ بێت. له‌ (100) سه‌د ساڵ پێش ئێستاوه‌ چینه‌كان ڤاكسین‌و ده‌رمانی سروشتیان له‌شویت دروستكردووه‌ بۆكرداری‌ هه‌رسكردنی‌ خۆراك، هه‌روه‌ها ڕۆمه‌كان تۆوی‌ شویتیان ده‌خوارد، به‌مه‌به‌ستی‌ ئاسان هه‌رسكردن، به‌تایبه‌تی‌ بۆ له‌ناوبردنی‌ كێشه‌ی‌ هه‌رسكردن‌و بۆ ئاسان هه‌رسكردنی‌ منداڵ سوودیان لێوه‌رده‌گرت. له‌ئێستاشدا به‌م شێوه‌یه‌ باس له‌سووده‌كانی‌ شویت كراوه‌، سیستمی‌ هه‌رسكردن ده‌خاته‌كار، مرۆڤ هێورو له‌سه‌رخۆ ده‌كاته‌وه‌، تۆوی‌ شویت كێشه‌كانی‌ ڕشانه‌وه‌، نزگه‌ره‌‌و ئاوساوی‌ سك ناهێڵێت، ئه‌گه‌ر له‌تۆوی‌ شویت‌و هه‌نگوین شه‌ربه‌ت دروست بكرێت‌و بخورێته‌وه‌، ئه‌وا ڕشانه‌وه‌ ئاسانترده‌كات‌و بۆری‌ هه‌ناسه‌ ده‌كاته‌وه‌، هه‌روه‌ها ئه‌و چایه‌ی‌ له‌تۆوی‌ شویت دروست ده‌كرێت، هۆكاری‌ له‌ناوبردنی‌ ئازاری‌ سك‌و ڕیخۆڵه‌كان‌و میزه‌چۆڕكێیه‌.
هه‌روه‌ها شویت ئاره‌زووی‌ خواردن ده‌كاته‌وه‌، ده‌ماره‌كان ده‌كاته‌وه‌‌و سوڕی‌ خوێن ئاسانتر ده‌كات، شیری‌ ژنی‌ شیرده‌ر زیاد ده‌كات، شویت له‌ئه‌نتیئۆكسیده‌و له‌ڕووی‌ سركه‌كانی‌ چه‌ورییه‌وه‌ ده‌وڵه‌مه‌نده‌، هه‌روه‌ها له‌ش له‌به‌كتریا زیانبه‌خشه‌كانیش ده‌پارێزێت.
