هەوڵی درێژکراو
توێژینه‌وه‌یه‌كی‌ چڕی‌ زانستی‌ زانایانی‌ ئه‌مریكا ئه‌وه‌یان ده‌رخستووه‌ كه‌ شێوه‌ی‌ ڕێكردنی‌ مرۆڤ‌و خێرایی‌ ڕێكردنی‌ نیشانه‌یه‌ بۆ ئه‌و ماوه‌یه‌ی‌ ته‌مه‌نی‌ ئه‌و مرۆڤه‌ كه‌ ماویه‌تی‌. (ستیڤانی‌ ستیۆ دنیسكی‌) سه‌رۆكی‌ تیمی‌ توێژینه‌وه‌كه‌‌و مامۆستای‌ زانكۆی‌ (بێتسبراه) توێژینه‌وه‌كه‌ باشترین هۆكاره‌ بۆ دیاریكردنی‌ ته‌مه‌نی‌ ماوه‌ی‌ مرۆڤ له‌ژیاندا‌و هاوكات ده‌ستنیشانی‌ باشی‌ ته‌ندروستی‌ مرۆڤه‌كان ده‌كات كه‌ تاچه‌ند ته‌ندروستن. توێژینه‌وه‌كه‌ش له‌سه‌ر (35.000) سی‌‌و پێنج هه‌زار ژن‌و پیاوی‌ ته‌مه‌ن 65 شه‌ست‌و پێنج ساڵ‌و سه‌رووتر‌و له‌هه‌ردوو ڕه‌گه‌زی‌ نێر‌و مێ‌ ئه‌نجامدراوه‌‌و ئه‌وه‌ی‌ به‌ده‌ر خستووه‌ ئه‌و ته‌مه‌نداره‌ی‌ خێرا بتوانێت ڕێبكات ئه‌وا ته‌مه‌نی‌ درێژ ده‌بێت، ئه‌وه‌ی‌ توانیبێتی‌ ماوه‌ی‌ یه‌ك میل به‌سه‌عاتێك ببڕێت ئه‌وا نیشانه‌ی‌ ئه‌وه‌یه‌ نزیكه‌ی‌ ده‌ ساڵ ماوه‌ بۆ كۆتابوونی‌ ته‌مه‌نی‌ ئه‌و كه‌سه‌.زانایانی‌ به‌شداربووی‌ ئه‌م لێكۆڵینه‌وه‌یه‌ ئه‌وه‌شیان ئاشكرا كرد كه‌ ئه‌نجامی‌ ئه‌م توێژینه‌وه‌یه‌ خاڵێكی‌ یه‌كلاكه‌ره‌وه‌ نییه‌ بۆ درێژی‌ ته‌مه‌ن چونكه‌ زۆر وورده‌كاری‌ دیكه‌ هه‌یه‌ كه‌ ئاماژه‌ن بۆ درێژی‌ ته‌مه‌نی‌ مرۆڤ.
