هەوڵی درێژکراو
توێژینه‌وه‌یه‌كی‌ نوێی‌ ئیتاڵی‌ ئه‌وه‌ی‌ ده‌رخستووه‌، خواردنی‌ ئه‌و خۆراكانه‌ی‌ كه‌ ده‌وڵه‌مه‌ندن به‌و مادانه‌ی‌ كه‌ دژه‌ئۆكسیدن ده‌تپارێزێت له‌تووشبوون به‌جه‌ڵده‌ی‌ ده‌ماغ، هه‌روه‌ها وێب سایتی‌ (مد بایج تودای‌) زانستی‌ ئه‌مریكی‌ له‌ڕێی‌ ئه‌و پزیشكه‌ی‌ به‌رپرسه‌ له‌توێژینه‌وه‌كه‌ له‌زانكۆی‌ (پارما)ی‌ ئیتاڵی‌ روونیكرده‌وه‌، ئه‌و كه‌سانه‌ی‌ ئه‌و خواردنانه‌ ده‌خۆن كه‌ دژه‌ به‌ئۆكسیدبوونی‌ تێدایه‌، به‌ڕێژه‌ی‌ له‌ (59%) مه‌ترسی‌ توشبوون به‌جه‌ڵده‌ی‌ ده‌ماغ كه‌مده‌بێته‌وه‌، كه‌ به‌هۆی‌ كه‌م گه‌یشتنی‌ خوێن بۆ ده‌ماغ دروست ده‌بێت، به‌هۆی‌ گیرانی‌ یه‌كێك له‌خوێنبه‌ره‌كان، به‌ڵام توێژینه‌وه‌كه‌ هێمای‌ بۆ ئه‌وه‌كرد، په‌یوه‌ندی‌ نییه‌ له‌نێوان ماده‌ی‌ دژه‌ئۆكسیدبوون‌و جۆرێك له‌جه‌ڵده‌ كه‌ ناسراوه‌ به‌جه‌ڵده‌ی‌ خوێنبه‌ربوون به‌هۆی‌ ته‌قینی‌ یه‌كێك له‌خوێنبه‌ره‌كان له‌ده‌ماغدا تووش ده‌بێت .خواردنی‌ ڤیتامین ئی‌ دژه‌ئۆكسیدبوونه‌و په‌یوه‌سته‌ به‌زیادبوونی‌ توشبوون به‌ئه‌و جۆره‌ جه‌ڵده‌یه‌، وه‌جه‌ڵده‌ی‌ گیرانی‌ خوێنبه‌ره‌كان له‌ (70%)ی‌ جه‌ڵده‌ی‌ ده‌ماغییه‌كان پێكده‌هێنن، هه‌روه‌ها توێژه‌ره‌وه‌كان ئه‌وه‌ ئاشكراده‌كه‌ن، به‌شێوه‌یه‌كی‌ ڕێك‌و پێك خواردنی‌ ئه‌و خۆراكانه‌ی‌ كه‌ ده‌وڵه‌مه‌ندن به‌ماده‌ی‌ دژه‌ ئۆكسیدبوون گرنگییه‌كی‌ تایبه‌تی‌ خۆی‌ هه‌یه‌، ئه‌مه‌ش بۆ ڕێگرتن له‌ئۆكسیدبوون.
