هەوڵی درێژکراو
به‌پێى ئامارێك كه‌ سه‌نته‌رى به‌دواداچوونى ژنان له‌ ئێران بڵاویكردۆته‌وه،‌ رێژه‌ى هاوسه‌رگیرى كاتى له‌ ئێران به‌شێوه‌یه‌كى به‌رچاو زیادیكردووه‌، به‌ڵام ئه‌وه‌ى جێگاى نیگه‌رانى ئه‌و سه‌نته‌ره‌یه‌ هاوسه‌رگیرییه‌ كاتیه‌كان له‌نێوان یه‌ك سه‌عات تا پێنج مانگدایه. سه‌نته‌ره‌كه‌ له‌ درێژه‌ى بابه‌ته‌كه‌دا نوسیویه‌تى له‌ 70%Ù‰ ئه‌و هاوسه‌رگیریانه‌ كاته‌كه‌یان له‌ 3 رۆژ كه‌متربووه‌و سه‌رجه‌م ئه‌و ژنانه‌ى به‌و هاوسه‌رگیریانه‌ش رازیبوون بێوه‌ژن بوون‌و نه‌بوونى ئیمكاناتى مادى پاڵى پێوه‌ناون ئه‌و جۆره‌ هاوسه‌رگیریانه‌ قبوڵ بكه‌ن. ژماره‌یه‌كى زۆرى ئه‌و ژنانه‌ى به‌و هاوسه‌رگیریانه‌ رازیبوون هیچ رێگایه‌كى تریان له‌به‌رده‌مدا نه‌بووه‌ تا بژێوى ژیانى رۆژانه‌ یان چه‌ند رۆژێكى خۆیانى پێدابین بكه‌ن، هه‌روه‌ها‌ 95%Ù‰ ئه‌و پیاوانه‌ بێ ئاگاداركردنه‌وه‌ى خێزانه‌كانیان یان ژنه‌كانیان ئه‌و كاره‌یان كردووه‌. هاوسه‌رگیرى كاتى كه‌ له‌ وڵاتى ئێران به(‌سیغه) ناسراوه‌ له‌سه‌رده‌مانێكى زووه‌وه‌ هه‌یه‌و‌ كارى پێده‌كرێت، به‌ڵام گرانى پێداویستیه‌كانى رۆژانه‌ى خه‌ڵكى ئێران‌و هه‌ژارى، وایكردووه‌ له‌ 4 ساڵى رابردوودا جیابوونه‌وه‌ى ژن‌و پیاو به‌شێوه‌یه‌كى به‌رچاو زیادبكات.له‌ به‌رامبه‌ر دا هاوسه‌رگیرى كاتی رۆژله‌دواى رۆژ له‌زیادبووندایه‌، بۆیه‌ ئه‌و سه‌نته‌ره‌ داوا له‌ Øكومه‌تى ئێران ده‌كات ڕێگا چاره‌یه‌ك بۆ ئه‌و كێشه‌یه‌ بدۆزێته‌وه‌‌و ژنانى وڵاته‌كه‌ى له‌و قه‌یرانه‌ گه‌وره‌یه‌ ڕزگار بكات.
