هەوڵی درێژکراو
به‌ پێى هه‌واڵێكى ماڵپه‌رى "بی بی سى"،به‌ ووته‌ى زانایان ، ئاواز ووتن بۆ خۆت جگه‌ له‌وه‌ى ده‌بێته‌ هۆى باشبوونى بارى ده‌روونى له‌ هه‌مان كاتدا ،كاریگه‌رییه‌كى زۆر باشى له‌ سه‌ر جسته‌ى مرۆڤ دا هه‌یه‌.به‌ ووته‌ى زانایان گۆرانى گووتن بۆ خۆیى به‌ جۆرێك وه‌رزش هه‌ژمار ده‌كرێت ،له‌ به‌ر ئه‌وه‌ى ئه‌و كات ناچار ده‌بن كه‌ سییه‌كانتان پر یكه‌ن له‌ هه‌وا، هه‌روه‌ها ئاستى لێدانى دڵ به‌رز ده‌بێته‌وه‌ رێره‌وى خوێن له‌ ناو له‌شى مرۆڤ خێرا ده‌بێت سوودێكى زۆرى بۆ ته‌ندروستى ئه‌ندامانى له‌شى مرۆڤ هه‌یه‌. له‌ ماوه‌ى چه‌ند ساڵى رابردووه‌ سه‌نته‌رى توێژینه‌وه‌ى تایبه‌ت به‌ ته‌ندروستى دڵ له‌ بریتانیا چه‌ندین چاڵاكى وكه‌مپینى به‌ مه‌به‌ستى هاندانى خه‌ڵك بۆ ئاواز گوتن وگۆرانى چرین داوه‌.ئه‌وان پییان وایه‌ كه‌ گۆرانى ووتن كارێكى زۆر ساده‌ وبێ مه‌ترسیه‌ و هه‌ركه‌سێك ده‌توانیت ئه‌و كاره‌ ئه‌نجام بدات.كه‌ ئه‌گه‌ر ئه‌و كاره‌ به‌ گروپى بێت تام وچێژێكى زۆرترى هه‌یه‌. ئه‌نجامى توێژینه‌وه‌كان پیشانى داوه‌ ، كه‌ گۆرانى ووتن یان ئاواز ووتن ،جۆرێك چاڵاكیی ئۆربیكه‌ كه‌ ده‌بێته‌ هۆى سه‌لامه‌تى دڵ وده‌بێته‌ هۆى درێژبوونى ته‌مه‌نى مرۆڤ و هه‌روه‌ها كه‌مكردنه‌وه‌ى دڵه‌ڕاوكێى مرۆڤ.هه‌روه‌ها ئاواز ووتن ده‌بێته‌ هۆى شادمانى مرۆڤ و رێژه‌ى مادده‌ى "ئادرنالین " ناو خوێن له‌ كاتى گۆرانى گوتندا به‌رز ده‌بێته‌وه‌ .له‌و كاته‌ش دا چه‌ند جۆره‌ مادده‌یه‌ك له‌ ناو له‌شدا بڵاو ده‌بێته‌وه‌ كه‌ ئه‌وه‌ش وا ده‌كات دڵه‌ڕاوكێ له‌ ناو له‌ش دا كه‌م ببێته‌وه‌.له‌ لایه‌كى دیكه‌وه‌ گۆرانى چڕین ده‌بێته‌ هۆى ئه‌وه‌ى كه‌ ئاستى متمانه‌ به‌خۆ بوون زۆر ببێت و هه‌ستێكى ڕه‌زامه‌ندى بۆ مرۆڤ دروست ببێت.
