هەوڵی درێژکراو
له‌داهێنانێكی‌ نوێی‌ زانایاندا، تاقیكردنه‌وه‌ی‌ كڵاوێكی‌ سویدی‌ سه‌ركه‌وتنی‌ به‌ده‌ستهێنا، بۆ پاراستنی‌ هه‌ڵوه‌رینی‌ قژی‌ ئه‌و كه‌سانه‌ی‌ له‌ئه‌نجامی‌ چاره‌سه‌ری‌ شێرپه‌نجه‌ به‌ده‌رزی‌ كیمیاوی‌ دووچارده‌بنه‌وه‌. تۆڕی‌ هه‌واڵی‌ (m s n b c) ئه‌مریكی‌ بڵاویكرده‌وه‌، كڵاوی‌ (دیگنیكاپ) كه‌ پێكهاتووه‌ له‌جه‌لی‌، سه‌لكی‌ مووی‌ سه‌ر سارد ده‌كات‌و ناهێڵێت ئه‌و ماده‌ كیمیاوییه‌ی‌ له‌چاره‌سه‌ره‌كه‌دایه‌ مووی‌ سه‌ر هه‌ڵیبمژێت. له‌سه‌ركردنی‌ كڵاوه‌كه‌ش له‌سه‌ر قژی‌ (هیزه‌ر مێله‌ر)ی‌ ئه‌مریكی‌ ته‌مه‌ن (47) چل‌و Øه‌وت ساڵ تاقیكراوه‌ته‌وه‌، دوای‌ سێ‌ كۆرسی‌ وه‌رگرتنی‌ چاره‌سه‌ری‌ كیمیاوی‌ سه‌ركه‌وتنی‌ به‌ده‌ستهێناوه‌‌و قژی‌ هه‌ڵنه‌وه‌ریووه‌. به‌ڕێوه‌به‌رێتی‌ چاره‌سه‌ر‌و خۆراكی‌ ئه‌مریكی‌ داوای‌ وه‌رگرتنی‌ ڕه‌زامه‌ندی‌ ده‌كه‌ن بۆ تاقیكردنه‌وه‌ی‌ ئه‌و كڵاوه‌ سویدییه‌، كه‌ تاقیبكرێته‌وه‌ له‌سه‌ر (100) سه‌د كه‌س بۆ ئه‌وه‌ی‌ به‌ته‌واوی‌ كاریگه‌رییه‌ ته‌ندروستییه‌كانی‌ ئاشكراببن.به‌لایه‌نی‌ كه‌مه‌وه‌ له‌ (65%) ئه‌وانه‌ی‌ نه‌خۆشی‌ شێرپه‌نجه‌یان هه‌یه‌‌و چاره‌سه‌ری‌ كیمیاوی‌ وه‌رده‌گرن، وه‌كو كاریگه‌رییه‌كی‌ ئه‌رێنی‌ چاره‌سه‌ره‌كه‌یان قژیان هه‌ڵده‌وه‌رێنێت، له‌كاتێكدا نه‌مانی‌ Ù‚Ú˜ ده‌بێته‌ هۆی‌ زیان گه‌یاندن به‌باری‌ ده‌روونی‌ نه‌خۆشه‌كه‌‌و كاردانه‌وه‌ی‌ كۆمه‌ڵایه‌تیش دروستده‌كات.
