هەوڵی درێژکراو
توێژه‌رانى دانیماركى له‌ توێژینه‌وه‌كانى خۆیان بۆیان ده‌ركه‌وتووه‌ كه‌ په‌یوه‌ندى توندوتیژ وئازاراوى كه‌ له‌ نێوان هه‌ندێك له‌ دایك وباوكان ومنداڵه‌كاندا هه‌یه‌ ،ده‌توانێت كاریگه‌رى نه‌ره‌نى له‌ سه‌ر سه‌ڵامه‌تى دڵ دابنێت و مه‌ترسى تووشبوون به‌ "ئانژین : به‌ رێژه‌یه‌كى زۆر به‌رز بكاته‌وه‌. ئه‌و توێژینه‌وانه‌ ،دریخستووه‌ كه‌ په‌یوه‌ندى نێوان هاوسه‌ران ومنداڵه‌كانیان كه‌ ببێته‌ هۆى دروستبوونى نائارامى و دڵه‌ڕاوكێ ده‌توانێت تا 3 به‌رانبه‌ر مه‌ترسى تووشبوون به‌ ئازارى سینگ كه‌ به‌ "ئانژین " ناسراوه‌ له‌ ناو مرۆڤ دا به‌رز بكاته‌وه‌."ئانژین " یه‌كێكه‌ له‌ هێماكانى هۆشدارى دانى تووشبوون به‌ نه‌خۆشى دڵ هه‌ژمار ده‌كرێت.توێژه‌ران توێژینه‌وه‌یان له‌ سه‌ر 4500 ژن وپیاو كه‌ ته‌مه‌نییان له‌ نێوان 40 تا 50 ساڵ بۆ ماوه‌ى 6 ساڵ ئه‌نجام دا كه‌ ئه‌و كه‌سانه‌ هیچ كامییان پێشتر تووشى نه‌خۆشى دڵ نه‌ببوونه‌وه‌.زانایان دواى ئه‌نجامدان وپرسیاركردن له‌ چونێتى په‌یوه‌ندى ئه‌و كه‌سانه‌ له‌گه‌ڵ خزم وكه‌سوكاریان و خانه‌واده‌كه‌یان بۆ ماوه‌ى 6 ساڵ ،بۆیان ده‌ركه‌وت كه‌ ئه‌و كه‌سانه‌ى كه‌ په‌یوه‌ندییه‌كى باشیان هه‌بوو له‌ هه‌ر 10 كه‌س ته‌نها كه‌سیك تووشى ئیشى سینگ یان ئانژیم ببوونه‌وه‌ .هه‌روه‌ها ئه‌و كه‌سانه‌ى كه‌ به‌ به‌رده‌وامى له‌گه‌ڵ هاوسه‌ره‌كانیان له‌ توندوتیژى وشه‌ره‌ قسه‌دان 44% زیاتر له‌ كه‌سانى تر تووشى نه‌خۆشى ئانژین ببوونه‌وه‌.
بۆیه‌ پزیشكان پێشنیار ده‌كه‌ن به‌ پێى پێوست خۆمان له‌ رووبه‌رووبوونه‌وه‌ى وشه‌ر قسه‌ى ناو خانه‌واده‌كانمان بپارێزین ،بۆ ئه‌وه‌ى له‌ تووشبوون به‌ نه‌خۆشى دڵ پارێزراو بین.
