لێكۆڵینه‌وه‌یه‌ك ده‌ریخستووه‌، ئاوی‌ ترێ‌ به‌هۆی‌ ئه‌نتیكۆسیده‌ سروشتییه‌كه‌یه‌وه‌، مرۆڤ له‌نه‌خۆشی‌ شێرپه‌نجه‌ ده‌پارێزێت، چونكه‌ له‌ناو توێكڵه‌كه‌ی‌و ناوكه‌كه‌یشیدا ماده‌یه‌ك هه‌یه‌ به‌ناوی‌ (ڕێتسڤێراتڕۆل) كه‌ دژی‌ نه‌خۆشی‌ شێرپه‌نجه‌یه‌، هه‌روه‌ها ئاوی‌ ترێ‌ هاوكاری‌ دڵ‌و خوێنبه‌رو خوێنهێنه‌ره‌كانی‌ دڵ هه‌یه‌و له‌نه‌خۆشی‌ ده‌یانپارێزێت، هه‌روه‌ها ڕه‌گه‌ سه‌ربه‌سته‌كانی‌
هەوڵی درێژکراو
ئاوی‌ ترێ‌ كاریگه‌رییه‌كی‌ زۆر باشی‌ له‌سه‌ر نه‌خۆشییه‌كانی‌ دڵ‌و خوێنهێنه‌رو خوێنبه‌ره‌كان هه‌یه‌‌و هاوكاری‌ پاراستنیان ده‌كات. لێكۆڵینه‌وه‌یه‌ك ده‌ریخستووه‌، ئاوی‌ ترێ‌ به‌هۆی‌ ئه‌نتیكۆسیده‌ سروشتییه‌كه‌یه‌وه‌، مرۆڤ له‌نه‌خۆشی‌ شێرپه‌نجه‌ ده‌پارێزێت، چونكه‌ له‌ناو توێكڵه‌كه‌ی‌و ناوكه‌كه‌یشیدا ماده‌یه‌ك هه‌یه‌ به‌ناوی‌ (ڕێتسڤێراتڕۆل) كه‌ دژی‌ نه‌خۆشی‌ شێرپه‌نجه‌یه‌، هه‌روه‌ها ئاوی‌ ترێ‌ هاوكاری‌ دڵ‌و خوێنبه‌رو خوێنهێنه‌ره‌كانی‌ دڵ هه‌یه‌و له‌نه‌خۆشی‌ ده‌یانپارێزێت، هه‌روه‌ها ڕه‌گه‌ سه‌ربه‌سته‌كانی‌ ناو جه‌سته‌ له‌كارده‌خات، كه‌ ئه‌و ڕه‌گه‌ سه‌ربه‌ستانه‌، هۆكارێكن بۆ تێكدانی‌ له‌ش‌و ڕێگه‌خۆشكردن بۆ تووشبوون به‌شێرپه‌نجه‌‌و تێكدانی‌ هزروبیرو مێشكی‌ مرۆڤ، بۆیه‌ به‌خواردنه‌وه‌ی‌ ئاوی‌ ترێ‌، مرۆڤ له‌سه‌رجه‌م ئه‌و كێشه‌و نه‌خۆشییانه‌ دوور ده‌كه‌وێته‌وه‌و ته‌ندروستی‌ له‌شی‌ پارێزراو ده‌بێت.
لێكۆڵه‌ره‌وان باسیان له‌وه‌كردووه‌، پێشووتر له‌تاقیكردنه‌وه‌یه‌كدا ئاماژه‌به‌وه‌كرابوو، كه‌ خواردنه‌وه‌ی‌ مه‌شروب كاریگه‌ری‌ باشی‌ له‌سه‌ر دڵ‌و خوێنهێنه‌رو خوێنبه‌ره‌كان هه‌یه‌، به‌ڵام ئه‌و مه‌شروبه‌ ئه‌گه‌ر بۆ دڵ به‌سوود بێت، له‌هه‌مانكاتدا هۆكارێكه‌ بۆ تووشبوون به‌شێرپه‌نجه‌كانی‌ (جگه‌ر، په‌نكریاس، پێست، مه‌مك‌و پرۆستات)، هه‌روه‌ها تیكچوونی‌ گه‌ده‌و هه‌رسكردن، به‌شه‌كانی‌ ناو ده‌م‌و قوڕگ‌و چه‌ندین نه‌خۆشی‌ دیكه‌.
