هەوڵی درێژکراو
بۆ یه‌كه‌مجار (عه‌لی‌ بابا) له‌به‌رازیل دروستبووه‌، له‌دوایدا به‌جیهاندا بڵاوبووه‌ته‌وه‌ به‌تایبه‌ت له‌ناوچه‌ گه‌رمه‌كان پێده‌كات، گیایه‌كی‌ یه‌ك ساڵه‌یی لقی‌ ڕێكه‌و تا (30) سانتیمه‌تر به‌رزده‌بیته‌وه‌، گه‌ڵاكانی‌ جوت جوت ده‌رده‌كات، دوو گوڵی‌ هه‌یه‌ ڕه‌نگه‌كه‌كانیان زه‌رده‌، جگه‌ له‌وه‌ی‌ بۆ ته‌ندروستی‌ سودێكی‌ زۆری‌ هه‌یه‌، له‌هه‌مان كاتدا به‌هۆی‌ ئه‌وه‌ی‌ پرۆتین‌و ڤیتامینه‌كانی‌ (B1. B2 , B3 , A , C , PP) تێدایه‌ كه‌ ده‌توانرێت ڕۆن‌و خواردن‌و ته‌نانه‌ت سابوونیشی‌ لێدروستده‌كرێت.له‌ڕووی‌ ته‌ندروستییه‌وه‌ سووده‌كانی‌ ئه‌وه‌یه‌، بۆ به‌هێزكردنی‌ سییه‌كان‌و سپل به‌سووده‌و كۆڵسترۆڵی‌ خوێن به‌رزده‌كاته‌وه‌، به‌هۆی‌ ئه‌وه‌ی‌ ڤیتامینی‌ (B3 ) تێدایه‌، كه‌ كاریگه‌رییه‌كی‌ زۆری‌ هه‌یه‌ بۆ ڕاگرتنی‌ خوێنبه‌ربوون، بۆ ئه‌و كه‌سانه‌ی‌ نه‌خۆشی‌ شه‌كره‌یان هه‌یه‌، پێویسته‌ بیخۆن كاریگه‌ری باشی‌ هه‌یه‌، له‌گه‌ڵ ئه‌وه‌شدا شیری‌ دایك زیاد ده‌كات‌و مێشك له‌ڕووی‌ بیركردنه‌وه‌ به‌هێزه‌ ده‌كات‌و ده‌بێته‌ هۆكاری‌ زیادكردنی‌ كێش‌و یارمه‌رتی‌ هه‌رسكردن ده‌دات، له‌گه‌ڵ ئه‌وه‌شدا كۆڵسترۆلی‌ جۆری‌ (HDL) زیاد ده‌كات‌و جۆری‌ (LDL) كه‌مده‌كات.
ئه‌و كه‌سانه‌ی‌ كۆڵستروڵیان به‌رزه‌‌و نه‌خۆشی‌ دڵیان هه‌یه‌، پێویسته‌ به‌هیچ شێوه‌یه‌ك عه‌لی‌ بابا نه‌خۆن، چونكه‌ زیانێكی‌ زۆریان پێده‌گه‌یه‌نێت، وه‌ ئه‌گه‌ر به‌ڕێژه‌ی‌ زوریش بخورێت، ده‌بێته‌ هۆی‌ ڕه‌قبوون‌و گیرانی‌ ده‌ماره‌كان.
