هەوڵی درێژکراو
زۆرجار ڕووی داوه‌ یه‌كێك له‌ ئه‌ندامانی خێزانت یان خۆت له‌ ناكاو هه‌ستت كردووه‌ كه‌ مووی سه‌رت یاخود ده‌موچاوت یان برۆت ده‌وه‌رێت ، دوای هه‌ست كردنت به‌م هه‌ڵوه‌رینه‌ی مووی سه‌رت زۆر نیگه‌ران ده‌بی ، جونكه‌ له‌ یه‌كه‌مین نیگات دا ئه‌وه‌ی به‌رچاوت ده‌كه‌وێ سه‌رێكی كه‌چه‌ڵ و بێ مووه‌ ئه‌مه‌ بۆ تۆ ڕووداوێكی زۆر ناخۆشه‌ ، به‌ڵام نیگه‌ران مه‌به‌ جونكه‌ گه‌ر كه‌مێك وردبین و له‌ سه‌رخۆ بی له‌ زۆربه‌ی كاتدا مووه‌كانت وه‌كو جاران ده‌ڕوێته‌وه‌ . به‌ڵام ئه‌و شته‌ی ده‌بێ بزانیت ئه‌وه‌یه‌ ئه‌م جۆره‌ هه‌ڵوه‌رینه‌ی موو زۆربه‌ی كات به‌ بێ ئازار و خوران و به‌ بێ هیچ نیشانه‌یه‌ك ڕوو ده‌دا كه‌ تۆ له‌ ناكاو ڕووبه‌ڕووی سه‌رێكی كه‌چه‌ڵ و بێ موو ده‌بیه‌وه‌ .له‌ لێكۆڵینه‌وه‌كاندا ده‌ركه‌وتووه‌ هۆی ئه‌م جۆره‌ نه‌خۆشیه‌ ده‌گه‌ڕێته‌وه‌ بۆ ئه‌وه‌ی سیسته‌می به‌رگری له‌ش به‌هۆی كه‌م شاره‌زایی بوونی له‌ هه‌ندێك له‌ ڕه‌گه‌كانی مووی سه‌ر یان ده‌موچاو یان له‌ش زۆر هه‌ستیاره‌ له‌م ڕووه‌وه‌ وه‌كو دوژمنی بێگانه‌ سه‌یری ڕه‌گه‌كانی موو ده‌كات و هێرشیان ده‌كاته‌ سه‌ر و ده‌بێته‌ هۆی هه‌ڵوه‌رینی موو به‌ شێوه‌یه‌كی كاتی . ئه‌م نه‌خۆشیه‌ یه‌كێكه‌ له‌و نه‌خۆشیانه‌ی كه‌ زۆر له‌ ناو خه ڵكی باوه‌ ، نزیكه‌ی 10_20% خه‌ڵكی هه‌ر له‌ ته‌مه‌نی منداڵیه‌وه‌ تا پیری به‌ لایه‌نی كه‌م جارێك له‌ژیانیان دا بۆیان ڕوو ده‌دا .
ڕووانه‌وه‌ی موو بۆ جارێكی تر له‌ زۆربه‌ی نه‌خۆشه‌كان دا له‌ دوای چه‌ند مانگێكه‌وه‌ ده‌ست پێ ده‌كات و له‌وانه‌یه‌ 6 مانگ یاخود ساڵێك بخایه‌نێت . له‌ سه‌ره‌تاكانی ڕووانه‌وه‌دا جا چی به‌ هۆی ده‌رمانه‌وه‌ بێ یان به‌ بێ ده‌رمان مووی ناسكی ڕه‌نگ مه‌یله‌و قاوه‌یی ده‌ڕوێته‌وه‌ كه‌ به‌ تێپه‌ڕبوونی كات ورده‌ ورده‌ مووه‌كان زیاد ده‌كه‌ن و ڕه‌نگه‌كه‌شی له‌ گه‌ڵی دا ده‌گۆڕێت ، به‌ڵا م له‌وانه‌یه‌ هه‌ڵوه‌رینی موو بۆ جارێكی تر له‌ 25% هه‌ر له‌م شوێنه‌ دا ڕوو بداته‌وه‌ ، له‌ ڕاستیش دا هیچ ده‌رمانێكی وه‌ها نیه‌ بتوانێ ڕێ له‌ هه‌ڵوه‌رینی ئه‌م مووانه‌ بگرێ
